O’zbekiston Respublikasi Oliy Majlisi Senatining 2022-yil 28-dekabrdagi “2030-yilga qadar O’zbekiston Respublikasida gender tenglikka erishish strategiyasining 2021-2022-yildagi ijrosi hamda uni amalga oshirish bo’yicha 2023-yilga mo’ljallangan chora-tadbirlarni tasdiqlash haqida”gi SQ-682-IV sonli Qaroriga asosan Universitet Xotin-qizlar kengashi tashkil etildi.

“Ilmli ayol-jamiyat ko`zgusi” mavzusida uchrashuv.

Uchrashuvda Samarqand viloyat hokimi o‘rinbosari, oila va xotin-qizlar bo‘limi boshlig‘i Zebiniso Raxmonova, universitet rektori Dr. Chidem Turkyilmaz, Samarqand shahar hokimi o‘rinbosari, oila va xotin-qizlar bo‘limi boshlig‘i Zebo Saidova, Samarqand viloyati “Oqila ayollar” yetakchisi Samarqand davlat veterinariya meditsinasi, chorvachilik va biotexnologiyalar universiteti xotin-qizlar maslahat Kengashi raisi, rektor maslahatchisi Jamila Sayfiddinova, Samarqand davlat universiteti xotin-qizlar maslahat kengashi koordinatori Sharofat To‘xliyeva va boshqa Oliy ta’lim va ilmiy-tadqiqot muassasalarining olima ayollari, umumta’lim maktablari va akademik litseylarning rahbar xodimlari, mahallalar xotin-qizlar faollari ishtirok etdilar.

“Talabaqizma’naviyqiyofasi uningkelajagisamarasi!”

Tadbirlarda universitet xotin-qizlar masalalari bo‘yicha rektor maslahatchisi Muqaddas Boboqulova, “Issiqlik gaz ta’minoti, ventilyatsiya va servis”, “Qurilishda menejment” kafedralari katta o‘qituvchilari Zebo Xolmurodova va Yaxshigul Suyunova hamda hududiy tomonidan хotin-qizlarni ma’rifatli qilishda ularni ilmu fanga jalb etishda, madaniy saviyalarini ko‘tarishda davlatimiz tomonidan berilayotgan e’tibor va e’zozlanayotganligi, talaba-qizlar shaxsini yetuk qilib shakllantirilishi, ularning bugungi ma’naviy qiyofasi, odobi, axloqi, madaniyati, xotin-qizlarning ilm-fan, ta’lim va tarbiyada faol, ijodiy izlanuvchan, zamonaviy texnologiyalarni o‘zlashtirib olishlari baxtli kelajagi uchun asos bo‘lishi haqidagi fikrlar bildirildi

“Xotin qizlarning ijtimoiy-siyosiy faolligini oshirish, gender tenglik masalalari va gender madaniyat !”

Ushbu seminarda SamDAQU xotin-qizlar maslahat kengashi raisi Adolat Ziyotova ham faol ishtirok etdi va o‘z tajribalar bilan o‘rtoqlashdi.

       Mirzo Ulugʻbek nomidagi Samarqand davlat arxitektura-qurilish universiteti Talabalar dekanati tyutorlari Bashorat Turdiyeva, Munira Ortiqova va universitet psixologi Umida Najmiyevalar hamkorligida “Oila, oilaviy nizolar va ularni oldini olish, mustahkam oila qurish” mavzusida seminar-trening tashkil etildi.

      Seminar-treningda talaba qizlarga ilmiy asoslangan ma’lumotlar taqdim etildi va berilgan savollarga atroflicha javoblar berildi

Joriy yilning 25-oktabr kuni Mirzo Ulug‘bek nomidagi Samarqand davlat arxitektura-qurilish universitetida “Ota-onalar kongressi” o‘tkazildi. Yoshlar masalalari va ma’naviy-ma’rifiy ishlar bo‘yicha prorektor ham so‘zga chiqib suhbat ishtirokchilariga universitet hayoti va faoliyati to‘g‘risida ma’lumotlar berdi. Kongress davomida universitetda tahsil olayotgan iqtidorli va faol bo‘lgan bir guruh talaba-yoshlarning ota-onalariga rahbariyat tomonidan tashakkurnomalar topshirilib, farzandining na’munali xulqi hamda tarbiyasi uchun minnatdorlik izhor etildi.

Suhbat jarayonlaridan so‘ng ota-onalar universitet talabalar turar-joylarida talabalar uchun yaratilgan shart-sharoitlar va 5 tashabbus markazi faoliyati bilan tanishtirildi. Bosh binoda joylashgan “Inkubatsiya markazi” faoliyati va markaz qoshida faoliyat yuritayotgan bir qancha markazlar, Axborot-resurs markazi haqida mutasaddilar tomonidan ma’lumotlar berildi.

Kunning ikkinchi yarmida universitetda tashkil etilgan “Ustozlar bog‘i”da yaxshi niyatlar bilan rahbariyat hamda ota-onalar va ularning farzandlari “Yashil makon umummilliy harakati” doirasida daraxt ekish marosimlarida ishtirok etdilar.

2023 yilning 16-noyabrida Qurilish fakulteti tyuterlari Guljahon Nurmuhammedova, Mahliyo Axmedova hamda xotin-qizlar masalalari bo‘yicha dekan maslahatchisi Shoxida Yuzbayevalar hamkorligida 2-son talabalar turar joyida “Qizlarjon” klubi chora tadbirlari asosida “Chevar qizlar” va “Pazanda qizlar” shiori ostida tadbirlar o‘tkazildi.

Ushbu tadbirda talaba-qizlar shartlar asosida o‘z mahoratlarini namoyon etdilar. Tanlovda qizlarning tikuvchilik va pazandachilik bo‘yicha bilimlari, mahoratlari saralandi. G‘olib bo‘lgan qizlar tashkilotchilar tomonidan turli darajadagi diplom va faxriy yorliqlar topshirildi.

SamDAQU Xotin-qizlar maslahat Kengashi qoshida “Qizlarjonklubi” tashkil etilgan. Klub faoliyati talaba qizlarga hunar o`rgatish, odob-axloq, oilaga tayyorlash kabi masalalarni ilgari suradi. Har o`quv yili boshida klubning koordinatorlari saylanib, yillik ish-rejalar ishlab chiqiladi.

•Bizning unversitetda 2023- o’quv yili bo’yicha bitiruvchi ayollar ulushi; 1166  umumiy bitiruvchilar soni shundan 216 tasi ayollar

Bizning unversitetda 2024-o’quv yili bo’yicha bitruvchi ayollar ulushi; 1718 umumiy bitiruvchilar soni, shundan 242 tasi ayollar

Ayol  bitiruvchilar soni  yildan yilga oshib bormoqda